«تاني مرة ألبس بدلة في حياتي» عصام كاريكا يتحدث عن حفل زفاف ابنته (فيديو)
كشف الفنان عصام كاريكا كواليس حفل زفاف ابنته، حيث أكد أنه لم يرتد بدلة في حياته قبل الفرح سوى في مشهد في فيلم عايز حقي.
وقال في لقائه مع الإعلامية منى الشاذلي في برنامج معكم منى الشاذلي: «قبل الفرح، عمري ما لبست بدلة في حياتي غير في مشهد في فيلم عايز حقي».
وتابع: «ناس كثيرة جت قعدت من أول الفرح لأخره، فكنت مبسوط بوجودهم وبشكرهم»..
«حدث خلاف كبير بينا».. عصام كاريكا يكشف كواليس أغنية محمد سعد في فيلم بوحة
كشف الفنان عصام كاريكا، كواليس أغنية «نسيت الغرام» والتي غناها محمد سعد في فيلم «بوحة».
وقال: «الأغنية يغنيها مطرب وبينا خلاف كبير بسبب الأغنية دي ومن ساعتها متعاملناش تاني عشان طلب يغير كلمات الأغنية، وأنا قولتله مينفعش».
وأضاف: «كلمات الأغنية الأساسية بتقول: أول ما عرفت إنك عايزني جيت قوام، ما أقدرش أستغنى عنك يا معلمني الغرام، وهقولك برضه عيني يا وحشني ألف عيني، وهقولك برضه عيني ياللي في بعدك كاويني، أؤمرني هتلاقيني تحت السلام بنام».
وتابع: «القافية متماشية، محمد سعد حب يغيرها لأول ما عرفت أنك عايزني جيت قوام، ما اقدرش استغنى عنك يا معلمني الغرام، وهقولك برضه عيني يا وحشني ألف عيني، وهقولك بردة عيني يلي في بعدك كاويني، أؤمرني هتلاقيني سجادة بين إيديك».
واستطرد: «قلت له مينفعش، زعل وكان هيمشي فكلمت المننج وقلت له مش فاهم «جملة سجادة بين ايديك»، فقال لي مشي الأغنية، الفيلم وقف بسببها، فقلت له بنعمل حاجة غلط، ومشيت الأغنية زي ما اقترح سعد»، موضحا «لسه زعلان وبموت كل ما بسمعها».
