دينا: اتجوزت 9 مرات وكلهم خيروني بينهم وبين الرقص فاخترت الرقص (فيديو)

كشفت الفنانة دينا عن عدد زيجاتها قائلة إنه وصل عددهم إلى 9 رجال، قائلة «كلهم خيروني بينهم وبين الرقص وكنت برفض وبختار الرقص».

صريحات دينا ببرنامج «أسرار النجوم»

وأضافت خلال لقائها ببرنامج «أسرار النجوم» المذاع على إذاعة نجوم إف إم: «عمري ما كنت مغرورة وفي بدايات شهرتي كل لما أحس إني خلاص هتغر براجع نفسي تاني واقولها لاء».

وتحدثت دينا عن زيجاتها الـ 9 قائلة: «أنا اتجوزت 9 مرات وكل اللي اتجوزتهم خيروني بينهم وبين الرقص واخترت الرقص، لان حبي للرقص اقوى من أي علاقة عدت عليا».

وتابعت: «تحملت اهانات الناس ده كله، وده لاني بحب حاجه ومؤمنة بيها جوايا وهي الرقص، وبقدر أي حد من زيجاتى بيرفض بعدين انى رقاصة بسبب كلام الناس، بس بختار الرقص ومش ندمانة على قراري».

واستكملت: «انا بتجوز في أي وقت، مفيش حاجه اسمها اصاحب، بالنسبة لي نتصاحب واحنا متجوزين، عشان مش بحب الصحوبية معرفش اخرج معاه، الجواز هو الحل».