منى زكي: «أنا أهلاوية وحلمي ملوش في الكرة» (فيديو)

كشفت الفنانة منى زكي عن انتمائها الكروي، مؤكدة على أنها تشجع النادي الأهلي.

وقالت في لقائها مع عمرو أديب في بودكاست بيج تايم: «ابني الأوسط بيعشق الكرة وبيتفرج عليها سواء مصرية أو عالمية وهو أهلاوي عشاني».

وتابعت: «أنا أهلاوية من زمان، والأهلي كويس زي ما هو، وأحمد حلمي ملوش في الكرة، وبيحاول يعزمهم على ماتش عشان يعوض أنه مبيفهمش في الكرة».

منى زكي تكشف عن أكثر شئ يزعجها من أحمد حلمي

وكانت كشفت الفنانة منى زكي، عن الكثير من تفاصيل حياتها الشخصية والعملية.

وقالت في لقائها في بودكاست بيج تايم: «أحمد حلمي سهل في البيت لكن أكثر شئ بيزعجني هو النوم، بينام كتير جدًا».

وتابعت: «لازم ينام 11 ساعة في اليوم، وأنا عكسه عيني ما بتفتح بقوم على طول».

وأوضحت: «حلمي يقعد يقولي منمتش إلا 11 ساعة، وكان فيه صوت عصفورة صحيت دقيقتين سمعتها ونمت تاني، هو الشخصية دي».