«أنا رقم 1 في مصر ومش شايف حد».. كهربا يرد على تصريحات كولر

رد محمود عبدالمنعم «كهربا»، مهاجم الفريق الأول لكرة القدم بالنادي الأهلي، على تصريحات السويسري مارسيل كولر، المدير الفني للفريق الأحمر.

كان كولر، قال في إحدى المؤتمرات الصحفية: «تحدثت مع كهربا وقلت له إنه رقم 3 في ترتيب المهاجمين، وتفهم القرار».

وقال كهربا، في تصريحات تلفزيونية عبر فضائية «أون تايم سبورتس»: «إحنا في النادي الأهلي مفيش رقم 3 ولا رقم 2 ولا رقم 1، المدير الفني يقول اللي هو عاوزه وإحنا تحت أمره في أي وقت، اللعيبة كلها جاهزة».

وأضاف: «إحنا بالنسبة لنا اللعيبة اللي برة كلهم سند للعيبة اللي بتلعب، إحنا عايشين في النادي الأهلي كده»، مضيفًا: «كولر، لما قال كهربا، رقم 3 أنا انبسط، عشان أموت نفسي أكتر في التمرين».

وأكمل: «أنا شايف نفسي رقم واحد في مصر كلها ومش شايف حد، مركز في شغلي ومع النادي الأهلي، أني اكسب بطولات وأساعد الفريق».

وتابع: «تربطني بكولر، علاقة قوية جدًا ومفيش مشاكل خالص، أنا بحبه جدًا وهو بيحبني أوي، وهو القائد وإحنا كلنا تحت أمره في أي وقت».