بعد وصفها بأنها محمد صلاح التمثيل.. مي عمر لـ مجدي الهواري: شهادة أعتز بيها

قامت الفنانة مي عمر بالرد على المخرج مجدي الهواري بعد شهادته في حقها بسبب مسلسل «نعمة الافوكاتوا» والتي تنافس به في شهر رمضان 2024 الجاري وهو مكون من 15 حلقة يعرض عبر قناة MBC وشاهد.

وقالت مي عمر عبر «فيس بوك»: «شكرا مجدي الهواري بجد على كلامك شهادة أعتز بيها وإن شاء الحلقات اللي جايه تعجبك أكتر وأكتر».

وكان المخرج مجدي الهواري قال: «ما شهدته إلى الآن، من أصعب وأحلي الشخصيات النسائية في التمثيل اللي شوفتها لحد دلوقتي في رمضان هي شخصية نعمة أبوعلب لمي عمر في مسلسل نعمة الأفوكاتو، والله أنا بقول للممثلين الكلام ده! واخيرًا لاقيت حد يسمع الكلام! أو علشان لا اظلم احد ده ذوقي يمكن في التمثيل رغم انها تبدو سهلة وبسيطة ولكنها شخصية مركبة ومتناقضة في نفس الوقت يعني سهل ممتنع !».

وتابع: «من الاخر زي محمد صلاح في الكورة تحس انه مش بيعمل حاجة وهو يحرفنه بسيطة بيعمل كل حاجة بس انت لاعبه لوحده من غير ماتشوشر عليه بلعيب تاني local، ولازم يكون الممثل اللي يعملها وبالحلاوة ديه يكون بيتفرج على المسلسلات كتييييير عالمية والإسباني تحديدًا لأن هما الموضة دلوقتي في التمثيل، والله لازم بعض الممثلين يشتغلوا على نفسهم ويشوفوا الموضوع رايح فين في العالم كله، زي ما من الواضح اللي عملته مي عمر كده، برافو مي وبرافو محمد ساميّ وطاقم العمل وشكرا مها سليم على الانتاج اللي متعوب عليه ده، التمثيل مش حزق ولا افراط في الانفعالات، واللي هيقولي انت مستعجل اقوله الجواب بيبان من عنوانه هيبقي من ال top 5 في رمضان والنهارده هقولكم الباقي».