بيومي فؤاد يكشف عن ذكرياته مع أشهر مشاهد مسلسل الكبير أوي (فيديو)
كشف الفنان بيومي فؤاد عن ذكرياته مع أشهر مشاهد الكبير أوي، الذي يتحدث فيه مع الكبير ويخبره أن والدته حامل.
وقال في لقاءه مع الإعلامية إسعاد يونس في برنامج صاحبة السعادة على قناة dmc :«بحب مشهد يا كبير أمك حامل، مش هعرف أعمله تاني، لما حاولت أهزر وأعمل نفس الحالة تاني معرفتش».
وتابع:«ربنا يريد للمشهد والجزء ده، وينزل في برومو أحد القنوات فيعيش أكتر، فده مشهد أنا حبيته جدًا».
بيومي فؤاد: «بدعي ربنا في صلاتي يكفيني شر قعدة البيت»
كشف الفنان بيومي فؤاد الكثير من التفاصيل حول حياته الشخصية، قائلا إنه يحب العمل باستمرار ولا يتمنى قعدة البيت بمفهومها السيئ.
وقال «أنا بدعي في صلاتي بقول يارب اكفيني قعدة البيت، لأن قعدة البيت وحشة رغم أن كل الناس تتمناها، لكن قعدة البيت الوحشة محدش يتمناها».
وتابع: «الرجالة لما بتحال وتتقاعد وتطلع على المعاش بينقلب الحال ويصابوا بالاكتئاب، خصوصا الناس اللي كانوا متميزين في مكانهم وليهم بصمة».
وأوضح أنه «من قبل الشهرة وأنا برضه غايب عن البيت لأني كنت بشتغل موظف وبعمل 3 مسرحيات في آن واحد فكنت راضي جدًا بحالي».
واستطرد قائلا: «كنت أقعد مع زملائي الممثلين وألاقيهم بيتكلموا عن اختيارات الممثلين وكنت بسمع الكلام كأني غايب عنه تمامًا».
