حرب التصريحات تشتعل بين بوسي وطليقها.. والفنانة تتراجع عن آرائها السابقة (فيديو)

حرب من التصريحات اشتعلت خلال الساعات القليلة الماضية، بين المطربة بوسي، وطليقها هشام ربيع، وذلك بعدما حلت الفنانة ضيفة ببرنامج «العرّافة» مع الاعلامية بسمة وهبة، ليرد عليها هشام واتّهامها بالكذب في كل ما قالته خلال لقائها.

وأبدت بوسي أسفها على تصريحاتها الإيجابية عن هشام ربيع، حيث أرسلت رسالة عتاب صوتية إلى بسمة وهبة والتى نشرتها الأخيرة عبر حسابها الرسمي على موقع التواصل الإجتماعى «انستجرام»، قالت فيها: «شفتي يا بسمة اللي قعدتي تدافعي عنه وقعدتي قوليله بحبك واتكلمت عليه كلام كويس، أنا ندمانة إن قلت الكلمة دي وسمعت كلامك، مكانش ينفع أقول الكلمة دي، شوفي طالع بيقول إيه عليا وبيتكلم في سيرتي وعرضي وشرفي».

وأضافت: «مع إن من ساعة ما حصلت المشاكل عمر ما جبت سيرته بكلمة وحشة ولا قلت عليه كلمة وحشة، ولا خضت في شرفه ولا في عرضه، أنا عمري ما أعمل كده عشان دي تربيتي وأخلاقي، ده الفرق بين تربية شارع الهرم والكباريهات وتربية ابن الناس وابن الأصول اللي بيفهم في الأصول الفلاح، اللي عنده بنات وإخوات، معملش حساب للكلام ده».

وتابعت بوسي: «مكنتش متخيلة إن الشهرة شغلاه على قفا الست اللي كانت مراته في يوم من الأيام، واللي كانت بتنام جنبه على سرير واحد وبياكلوا مع بعض عيش وملح».

واختتمت حديثها قائلة :«مصدومة ومعنديش كلام أقوله، بجد مش عارفة أقول إيه والمشكلة أن يوم التصوير بعد الحلقة جه واتعشى معايا وعلاقتنا كويسة جدا، بس مكنتش متخيلة إن بعد الكلام الكويس وإني بدافع عنه واطلعه مظلوم وبريء يبقى ده جزائي، مش قادرة أقول غير حسبي الله ونعم الوكيل، مش عامل حساب للشهر الفضيل وإنه بيعمل عمرة وفي الكعبة، وبيتكلم عن مراته».

وكذّب هشام ربيع كل ما قالته المطربة بوسي زوجتة السابقة، وقال في تصريحات أدلت بها خلال استضافتها في برنامج «العرّافة» حيث أكد أن تصريحات الأخيرة كذب وافتراء، و«خراب بيوت».