«سبت أبويا بيموت عشان الأهلي وأنت تقولي فرح أختك».. مجدي عبد الغني يوجه رسائل نارية لـ كهربا

فتح مجدي عبدالغني، نجم الأهلي ومنتخب مصر السابق، النار على محمود عبدالمنعم «كهربا»، مهاجم الفريق الأول لكرة القدم بالنادي الأهلي، بسبب رفضه السفر مع الفريق إلى غانا، وذلك من أجل حضور حفل زفاف شقيقته، الذي كان يوافق نفس يوم سفر الفريق.

وقال مجدي عبدالغني في تصريحات تلفزيونية عبر فضائية «إم بي سي مصر»: «اللي عمله كهربا، مينفعش أنت ماضي عقد، وتحت أمر النادي».

وأضاف: «هل كان لازم نسأل الاتحاد الأفريقي الأول عشان نحدد ميعاد الفرح؟! مينفعش الكلام ده، أنا أبويا سبته في المستشفى بيموت، وفي النادي الأهلي الكابتن الجوهري، صمم اني أسافر مباراة بنين، على الرغم من أن أبويا عيان، وفي المستشفى معنديش فرح، الفرح ده أسيب الدنيا كلها وأسافر مع فريقي».

وتابع: «روحت لأبويا وهو في المستشفى على جهاز التنفس الصناعي قولتله مصممين إني أسافر، أسافر (هز دماغه) وقالي أه، رجعت لاقيته متوفي، ده واجبي كان لازم أسافر».