في ليلة النصف من شعبان.. تامر حسني يوجه رسالة لجمهوره (تعرف عليها)

نصح الفنان تامر حسني، جمهوره ومتابعيه على مواقع التواصل الاجتماعي بالعبادة والإستغفار والتقرب من الله في ليلة النصف من شهر شعبان.

وكتب تامر حسني على صفحته الرسمية بموقع التواصل الاجتماعي «فيسبوك» قائلاَ: «صباح الخير على اغلى الناس.. معلش بعد اذنكم اقرأوا كلامي للاخر
من النهارده لبكرا اعمالنا بتترفع لربنا يعني كلنا نلحق نستغفر ونطلب من ربنا يسامحنا.. محدش يتخيل انه عمل اخطاء كتير فمالوش عين يطلب لا لا لا مهما عملت اطلب حالًا وياريت لو نصوم بكرا انا هعمل كده أي حد عنده شغل ياريت يفضي شوية وقت عشان يستغفر ويدعي كتير بقدر الامكان».

وأضاف: «اليوم ده ليه سحر وانا جربته كتير قبل كده وهتحسوا في قلوبكم أن في حاجه اتشالت من عليكم وبقيتوا مبسوطين اكتر ،، ادعوا بكل اللي تتمنوه اوي اوي
فرصه لاي حد عمل ذنب كبير غصب عنه أو قاصد بس ندمان فرصه أن ربنا يسامحه دلوقتي بس نفتكره ونطلب منه يلا يا جماعه من دلوقتي لبكرا اعتبروا أن ده يوم بسنه كامله وجايز بكرم ربنا يبقى يوم بحياتك كلها اجتهدوا فيه اوي من صلاه من تصدق من ذكر من دعاء من صلة رحم».

وأختتم: «اليوم ده تقدر من خلاله تبدأ صفحه جديده مع نفسك ومع ربنا اوعى تحس انك بعيد ومتسمعش كلام أي حد يقولك يا عم انت بتعمل وبتعمل قوله ملكش دعوه ليا ربنا هيحاسبني مش انت …. ونخلي عندنا يقين مش عادي ركزوا على كلمة يقين مش عادي أن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا. عشان تفرق كتير اوي لو بتدعي وعندك يقين أو معندكش بتفرق كتير اوي صدقوني ……و متنسوش تدعولي معاكم بعد اذنكم محتاج دعواتكم جدًا».

اقرأ أيضا :تامر حسني يستعد لموسم رمضان المُقبل 2024 بإعلان جديد (تفاصيل)