لبلبة: «عادل إمام ميتكررش وبكيت وقت تكريمه في joy awards» (فيديو)
كشفت الفنانة لبلبة، عن تقديرها الشديد للفنان عادل إمام، حيث أكدت أنها بكت وقت تكريمه في joy awards.
وقالت في تصريحات تليفزيونية: «بكيت وقت تكريم عادل إمام، لأنهم جابوا مقتطفات من أعماله، والعينين دي عينين الأستاذ عادل، تضحك وتبكي، يديكي البؤس والغلبان والفرحان، هو فعلًا زعيم الفن وحبيبنا، عادل إمام ياخد قلبي، ولما أشوفه أبقى حاسه إني شايفة الفن كله».
وأضافت: « أنا وعادل إمام عشرة طويلة وعملنا مسلسلين صاحب السعادة ومأمون وشركاه، أنا بعتبر كل مسلسل فيهم 5 أفلام، بنشتغل 7 شهور، وكل يوم مع بعض وبناكل ونفكر ونمثل مع بعض، أنا عاشرت سينمائيين والأستاذ عادل إمام أكتر ما عشت مع أهلي في بيتي».
وأردفت: «العشرة بيني وبين عادل كبيرة وبحس بيه وبعينيه وإمتى هيقول إيه، لا يمكن أبوظ له إفيه، وهو عارف أنا بحبه قد إيه وبخاف عليه قد إيه، وبعرف هو زعلان ولا مبسوط من مشيته في الطرقة بتاع الاستديو».
اقرأ أيضاً:
اكتشاف المزيد من شبكة الريان
اشترك للحصول على أحدث التدوينات المرسلة إلى بريدك الإلكتروني.
