«مش هنجيبه نختبره».. تعليق ناري من مجدي عبد الغني على أزمة محمد صلاح مع حسام حسن
علق مجدي عبدالغني، نجم الأهلي ومنتخب مصر السابق، على أزمة محمد صلاح، نجم نادي ليفربول الإنجليزي مع الجهاز الفني لمنتخب مصر بقيادة حسام حسن، وذلك بعد اختيار اللاعب في قائمة منتخب مصر لمعسكر مارس، استعدادًا للمشاركة في بطولة الإمارات الودية.
كان اتحاد الكرة تلقى خطابًا من نادي ليفربول الإنجليزي، يطالب فيه بإعفاء النجم محمد صلاح، من معسكر منتخب مصر المقبل، بسبب إصابته.
وقال مجدي عبدالغني في تصريحات تلفزيونية عبر فضائية «الشمس»: «دي دورة ودية، محمد صلاح، مش جايين نختبره، هو احنا هنجيب محمد صلاح، من إنجلترا عشان نشوفه ينفع مع المنتخب ولا مينفعش! حسام وإبراهيم، عارفين ده، محمد صلاح، لو عاوز يجي أهلا وسهلًا، ولو عاوز يكمل علاجه في إنجلترا أهلا وسهلا، منعملهاش مشكلة».
وأضاف: «دي مباريات ودية، احنا مش محتاجين نجيب محمد صلاح، نشوفه في مباريات ودية، صلاح، نجم النجوم والأيقونة بتاعة مصر، لما تروح أي بلد في العالم وتقول أنا مصري يقولك مو صلاح، زي زمان لما تروح البرتغالي وتقوله مصري يقولك عبدالغني، انا حتة صغيرة بس صلاح حتة تساع 120 مليون».
