مصاب عمليات أمام الرئيس السيسي: سأرفع علم مصر في أولمبياد باريس 2024

قال الرائد على الزين، من قوات مكافحة الإرهاب في شمال سيناء، إنّه شارك مع العديد من الأبطال، منهم من نال شرف الشهادة ومنهم من أُصيب ومنهم من يستكمل المشوار، مضيفًا: «كان معايا الشهيد العميد عبدالمحسن اتعلمنا منه كتير، اتعلمنا منه معنى القوة والصبر والفداء، وكان دايما يقولي إحنا الأول وبعدين أنتوا يا علي».

وتابع الزين، خلال الندوة التثقيفية الـ39 التي تنظمها القوات المسلحة احتفالا بيوم الشهيد تحت عنوان «ويبقى الأثر: «اتصبت أكتر من مرة، وفي كل مرة كنت برجع أقوى من الأول، وفي آخر مرة اتصبت بطلقة قناصة دخلت من رجلي الشمال وخرجت من رجلي اليمين أدت لبتر في رجلي الشمال وعجز بنسبة 80% في رجلي اليمين، لكن دي مكانتش النهاية كانت البداية».

وأضاف: «اتعلمت رياضة التجديف والمؤسسة العسكرية مسابتنيش ولا وزير الشباب والرياضة، والحمد لله جبت أول عرب وأول أفريقيا والأسبوع اللي فات جبت رابع عالم».

واستطرد: «زي ما طهرنا شمال سيناء من الإرهاب ورفعنا العلم فيها إن شاء الله أرفع العلم في أوليمبياد باريس 2024، ولكل شيء ثمن، والثمن هو الشهداء اللي أولادهم معانا النهاردة، اللي ضحوا بروحهم لأجل ترابك يا مصر وفي غيرهم مستعد يضحي بروحه عشان علم مصر يفضل عالي في السماء وبقول لأولادي خليكوا فخورين وقولوا دايما إحنا ولاد الشهيد لأن الشهيد حي».

ويشهد الرئيس عبدالفتاح السيسي، اليوم السبت، فعاليات الندوة التثقيفية الـ 39 للقوات المسلحة، بمناسبة الاحتفال بيوم الشهيد، وذلك بمركز المنارة للمؤتمرات الدولية بالقاهرة الجديدة.

وكان في استقبال الرئيس السيسي لدى وصوله، رئيس الوزراء الدكتور مصطفى مدبولي، والفريق أول محمد زكي القائد العام للقوات المسلحة وزير الدفاع والإنتاج الحربي، وكبار رجال القوات المسلحة.