حورية فرغلى: الوسط الفني «عالم مخيف» وأنا عن نفسي بحس إني غير مرغوب فيا (فيديو)

كشفت الفنانة حورية فرغلي عن رأيها في الوسط الفنى، حيث اشارت انها تشعر بأنها غير مرغوب فيها بعد الحادث التي تعرضت له مؤخرًا.

وقالت حورية خلال لقائها ببرنامج بودكاست «Restart»: «الوسط الفني عالم مخيف وأنا عن نفسي بحس إني غير مرغوب فيا لما حصلت الحادثة، ومش ملوش أمان وأنا شوفت أحسن حاجة وأوحش حاجة مفيش وسط وأنا مقدرش أقول أن الوسط وحش وأنا بسمع لكن مشوفتش».

وتابعت: «أنا جوا الوسط لما بمثل قدام الكاميرا والوحيدة اللي دخلت بيتها مدام لبلبة ودي هانم وحبيبة قلبي والفنانة إلهام شاهين ومنساش أبدًا إن في ظروفي الصحية مدام صفية العامري كلمتني ومدام لطيفة ومادلين طبر وميرفت أمين ودول عصر الهوانم ولغاية إنهاردة بيكلموني يسألوا عليا«.

واستكملت: «واشتغلت مع مدام إلهام في فيلم في الأول خالص وهي من الناس اللي قربتلها من الأول، لكن اللي دايما مش بنكلم بعض لما بنشوف بعض كانت درة، وكنا بنعمل فيلم إسمه مصور قتيل مع إياد نصار وأحمد فهمي وبعد كده لقيت نفسي لا محطوطة في أفيش ولا في برومو».

مضيفة: «لما روحت للشركة قالوا إزاي وسألوا المخرج وقال إن درة قالت كده وأخدت منها موقف وموجهتهاش وكلهم محطوطين إلا أنا».