أحمد جوهر: مبقاش عندنا حماس البدايات بسبب الخوف.. وفي انهيار في الذوق العام
تحدث المطرب أحمد جوهر، عن سبب غيابه عن الساحة الفنية طوال الفترة الماضية، معربًا عن استيائه من انيهار الذوق العام على حد قوله.
وقال أحمد جوهر في تصريحات تلفزيونية: «كل جيلي له ظروف كده، وصناعة الموسيقى والغناء وقتها كانت عبارة عن كاسيت والشرايط، وده المنفذ الوحيد لأي فنان، وكانت الأستوديوهات والتلحين والإنتاج غني جدًا، وكانت فرصتنا حلوة في الفترة دي واتعودنا نعمل ألبومات حوالي من 8 لـ 16 غنوة، ومش عارفين أنهي غنوة فيهم اللي معاها الحظ وهتنجح».
وتابع جوهر: «إحنا مش بُعاد إحنا حابين نبقى موجودين، حتى اللي موجودين بيقولوا الأغاني القديمة مفيش جديد، وأنا دلوقتي علشان أنتج أغنية سينجل بيبقى المخاطرة فيها صعبة، ومفيش الحماس اللي بدأنا بيه، لأن زمان النجاح كان غني جدًا».
وأضاف: «عدم الحماس خوف من عدم المواكبة، وإحنا مش ضد الجيل الجديد، ولما طلعنا جداد كان علينا معارك، والشكل دلوقتي اختلف بشكل أن الكلمة مش حلوة، والموسيقى في مصر اختلفت جدًا، عكس الموسيقى العربية، وأنا شايف انهيار في الذوق العام شوية».
اقرا ايضا:
اكتشاف المزيد من شبكة الريان
اشترك للحصول على أحدث التدوينات المرسلة إلى بريدك الإلكتروني.
