شوبير يكشف حقيقة خناقة كهربا مع كولر في الأهلي
كشف الإعلامي أحمد شوبير حارس مرمى الأهلي ومنتخب مصر السابق حقيقة ما تردد في الساعات الماضية بشأن وقوع خناقة ومشادة بين محمود كهربا مهاجم فريق الكرة الأول بالنادي الأهلي مع مارسيل كولر المدير الفني للفريق.
وقال محمود كهربا: «فيه قصة انتشرت إمبارح وكثير رددوها، بتقول أيه بقه القصة دي إن فيه مشادة عنيفة حدثت بين كهربا وكولر في مران الأهلي وإن خالد بيبو مقدرش يحلها واستدعى الأمن للفصل بين الاثنين وكمان رفع الموضوع للكابتن محمود الخطيب رئيس النادي والشمرف على الكرة وتقريبا مجلس الإدارة هيتخذ قرار بإيقاف كهربا وتجميده».
وتابع شوبير: «طبعا أنا متأكد مليون في المية إن مفيش حاجة من دي حصلت لكن برضه اتصلت بالكابتن خالد بيبو وقال لي الكلام ده كله تخيلات، مفيش أي حاجة خالص نهائي، طيب أيه الموضوع مفيش حاجة مباراة أهلي وزمالك فلازم نثير أي كلام أي مشكلة من الناس أصحاب النفوس المريضة اللي مش لاقين حاجة يقولوها».
وأضاف شوبير: «والله العظيم ثلاثة عيب هذا الأمر وعيب يبقى فيه ناس تقول الكلام ده عندنا».
