«هيحدف بالطوب».. عمرو أديب يهاجم حسام حسن بسبب «معاملة محمد صلاح» (فيديو)

علق الإعلامي عمرو أديب، على اختبار حسام حسن مديرًا فنيًا لـ منتخب مصر الأول لكرة القدم، وتوأمه «إبراهيم» مديرًا لمنتخب الفراعنة.

وقال أديب، خلال مداخلة هاتفية ببرنامج «الحكاية» عبر قناة «إم بي سي مصر»، اليوم، إن التوأم جاء على رأس القيادة الفنية لـ منتخب مصر بناءً على طلب الجماهير المصرية.

وأضاف أن اختيار التوأم حسن جاء بما وصفه «زن المصريين»، متابعًا: «محدش يجي يقول بعد كده مين اللي جاب حسام وإبراهيم زي ما قالوا على اللي قبليه مين اللي جابه؟! اللي جابه زن المصريين».

وأوضح: «إحنا معانا مدرب ما خدش بطولة، إنما الناس كلها كل ما يحصل حاجة يقولك نجيب حسام حسن، فأرجوا إن أنا أفكر حضراتكوا إن حسام حسن هو اختيار الجماهير المصرية».

وأكمل: «الناس اللي بتقول إنه مش هيرحم، بقولهم هو احنا جايبين مدرب ولا مدير مدرسة؟ً والمدرب مش بالروح».

تصريحات حسام حسن عن معاملة محمد صلاح

وانتقد أديب حديث حسام حسن عن أنه سيعامل النجم المصري محمد صلاح معاملة جيدة، قائلًا: «متشيلوناش جميلة إن حسام حسن هيعامل محمد صلاح كويس، مش جميلة يعني، هي جميلة يعني إنك هتعامل أفضل لاعب في تاريخ مصر كويس».

وتابع: «مشكلة حسام وابراهيم إن تحت الضغط يظهر أسوأ ما فيهم مبيعرفوش يشتغلوا تحت ضغط، ومحتاجين يصلحوا المشكلة دي. مش مفاجأة ولو حصل مشكلة في أي ماتش هتحدف الناس بالطوب… ده المنتخب، مينفعش اللي بيحصل في الدوري المحلي يحصل مع المنتخب».