شوبير يحذر اتحاد الكرة من بنود عقد مدرب منتخب مصر الجديد

حذر الإعلامي أحمد شوبير حارس مرمى الأهلي ومنتخب مصر السابق أعضاء مجلس إدارة اتحاد الكرة المصري برئاسة جمال علام من بنود عقد مدرب منتخب مصر الجديد.

وأعلن اتحاد الكرة أمس الأحد رحيل المدرب البرتغالي روي فيتوريا بعد فشل منتخب مصر في بطولة كأس الأمم الأفريقية، وكشف الاتحاد عن أنه بصدد التعاقد مع مدرب أجنبي جديد خلال الفترة المقبلة.

وقال أحمد شوبير في تصريحات إذاعية: «أنا بقولها من دلوقتي أهو اتحاد الكرة لازم يعرف ويفهم إن مدته الباقية مش هيكمل بعدها يعني قدامه 8 شهور مثلًا، فحضرتك أي تعاقد جديد مع مدرب لازم يتعمل بصيغة ميكونش فيها مشكلة للمجلس الجديد ولا تضعه في مشكلة يعاني منها».

وتابع أحمد شوبير: «خلي بالك في احتمالات كثير جدا إن بطولة أفريقيا اللي جاية تكون زي اليومين دول السنة اللي جاية فلازم نتحرك بسرعة ونرتب أوراقنا من بدري وإن كنت شايف إن البطولة صعب قوي تتلعب في الوقت ده».

وأضاف شوبير: «عموما الأخطاء اللي شوفناها في بنود عقد فيتوريا ياريت ما تتكررش تاني وشايفين إحنا متغلبين دلوقنتي عشان نفك الارتباط والشرط الجزائي بتاع فيتوريا».